विदुर । नुवाकोटको विदुर नगरपालिका–१ ढुंगेबजारमा आगलागी हुँदा जस्ताको टहराभित्र रहेका तीन वटा पसल जलेका छन् ।
विदुर नगरपालिका–९ घर भइ ढुंगेबजारमा भाँडा पसल गर्ने रामेश्वर अधिकारीको पसल, सुरेश श्रेष्ठको किराना पसल र अर्को फलफूलको पसलमा आगलागी भएको जिल्ला प्रहरी कार्यालयकी प्रहरी निरिक्षक लक्ष्मी खड्काले बताइन् ।
आगलागी गएको सोमबार राति ११ बजेतिरबाट सुरु भएर बिहान दुई/तीन बजे मात्रै नियन्त्रणमा आएको प्रहरीले जनाएको छ । विद्युत् सट भइ आगलागी भएको प्रहरीले बताएको छ ।
आगलागीबाट मानवीय क्षति नभएपछि प्लाष्टिका भाडा, खाद्यान्न सामाग्रीसहित लाखौंको क्षति भएको पसलेले बताएको प्रहरीले जनाएको छ ।
No comments:
Post a Comment