विदुर । सामूहिक करणी अभियोगमा किस्पाङ गाउँपालिका–५ का पाँच जना पक्राउ परेका छन् । पक्राउ पर्नेमा १९ वर्षीय निर्मल तामाङ, २० वर्षीय अमृत तामाङ र १७ वर्षीयसहित तीन नाबालक रहेको जिल्ला प्रहरी कार्यालय नुवाकोटले जनाएको छ । १५ वर्षिया किशोरीमाथि बलात्कार गरेको अभियोग उनीहरूमाथि लागेको छ ।
प्रहरीका अनुसार गएको आइतबार निर्मलले किस्पाङ गाउँपालिका–५ मा पर्ने सुकुटे पुलमा ती किशोरीलाई भेट्न बोलाएका थिए । त्यस क्रममा निर्मल र उनका साथीहरू मिलेर जबर्जस्ती करणी गरेको जिल्ला प्रहरी कार्यायलका सूचना अधिकारी एवं डिएसपी खगेन्द्रबहादुर खड्काले बताए । आरोपीहरूलाई नुवाकोट अदालतबाट ५ दिने म्याद थप गरी अनुसन्धान अगाडि बढाइएको छ ।
यस्तै बिदुर नगरपालिका–१ ढुंगेस्थित याग्रा होटलबाट जबर्जस्ती करणी गरेको अभियोगमा रसुवाको गोसाइँकुण्ड गाउँपालिका–५ स्याफ्रुबेंसी २८ वर्षीय ग्याल्सन तामाङ पक्राउ परेका छन् । गत चैत २७ गते पीडित घरबाट रसुवा कालिकास्थान जाने क्रममा मोटरसाइकलमा सवार अभियुक्तसँग लिफ्ट मागेकी थिइन् । अभियुक्तले चिनजान गरेर उनका छोराछोरीलाई विदेशका विभिन्न विद्यालयमा निःशुल्क छात्रवृत्तिमा पढाउन पठाइदिने प्रलोभन देखाएर पुनः भेट्न बोलाएका थिए । छात्रवृत्तिका लागि पीडितका बालबालिकाको तस्बिर लिएर गत चैत ३० गते विदुर नगरपालिका–१ स्थित ढुंगेकै याङ्ग्रा होटलमा बोलाई जबरजस्ती करणी गरी फरार भएको प्रहरीले जनाएको छ ।
खोजतालसकै क्रममा विदुर नगरपालिका–१० स्थित बेत्रावतीबाट गएको सोमबार पक्राउ गरिएको हो । उनलाई नुवाकोट अदालतबाट म्याद थप गरी अनुसन्धान भइरहेको जिल्ला प्रहरी कार्यालयका डिएसपी खगेन्द्रबहादुर खड्काले बताए ।
No comments:
Post a Comment