 |
| ट्रफी प्रदान गरिदै । |
रसुवा । २८ औं वन्यजन्तु सप्ताहको अवसरमा सदरमुकाम धुन्चेमा आयोजना गरिएको ११ औं रेडपान्डा ट्रफी हात पार्न नौकुण्ड सफल भएको छ । २८ औं वन्यजन्तु सप्ताहको अवसरमा जिल्लामा विभिन्न कार्यक्रमको आयोजना गरिएको थियो । सोही अवसरमा सरसफाइ, चरा अवलोकन तथा रेडपान्डा ट्रफी भलिबल प्रतियोगिता गरिएको थियो ।
बिहीबार सम्पन्न भएको फाइनल खेलमा नौकुण्डले अकियासलाई सोझो तीन सेटमा पराजित गर्दै ११ औं रेडपन्डा ट्रफी हात पार्न सफल भएको हो । विजेता टिमलाई नगद १ लाख ११ हजार १ सय ११ सहित ट्रफी, प्रमाणपत्र र मेडल प्रदान गरिएको थियो ।
उपविजेता टिमले ७७ हजार ७ सय ७७ रुपैयाँ, प्रमाणपत्र र मेडल प्राप्त गरेका छन् । त्यस्तै दुई टिमलाई नगद २२ हजार २ सय २२ सहित प्रमाणपत्र र मेडल प्रदान गरिएको छ । प्रतियोगितामा जिल्लाका १० वटा टिमले सहभागिता जनाएका थिए ।
No comments:
Post a Comment