विदुर । नुवाकोटमा व्याटमिन्टन कभर्ड हलको निर्माण सुरु भएको छ । जिल्लामा खेल क्षेत्रको विकास र खेलाडीहरूको सम्र्बद्धनका लागि ब्याटमिन्टन कभर्ड हलको आवश्यकता ठहर गरेर विदुर नगरपालिकाले ब्याटमिन्टन कभर्ड हलको निर्माण सुरु गरेको हो ।
विदुर नपा–२ नागटारीमा तीन रोपनी क्षेत्रफलको जग्गामा निर्माणाधिन कभर्ड हलको आइतबार शिलान्यास गरिएको छ । ब्याटमिन्टन कभर्ड हलको शिलान्यास गर्दै मेयर राजन श्रेष्ठले खेल, खेलाडी तथा खेल संरचनाको विकासमा नपाले विशेष कार्यक्रम सञ्चालन गर्ने बताए । काठमाडौसँग जोडिएको नुवाकोटमा राष्ट्रियस्तरको खेलाडी उत्पादन गर्ने नगरपालिकाको योजना रहेको पनि मेयर श्रेष्ठको भनाई छ ।
ब्याडमिन्टन कभर्ड हलको लागि जग्गा सम्याउने र डीपीआर तयारका लागि पाँचलाख ७७ हजार ३६६ रुपैयाँ लागत छ । उपभोक्ता समितिले एकलाख १६ हजार ५६६ रुपैयाँ परिचालन गर्ने भएको छ । विदुर नगरपालिकाले चार लाख ८० हजार रुपैयाँ विनियोजन गरेको छ । सो कार्य आगामी २०८० साल जेठ १५ गतेभित्र सम्पन्न हुने जनाइएको छ ।
No comments:
Post a Comment