लाकुरीभञ्याङ्ग । पञ्चकन्या गाउँपालिकाको वडा नम्बर १ र २ मा जन्मदर्ता अभियान सञ्चालन गरिएको छ ।
पन्चकन्या गाँउपालिकाको आयोजनामा गुड नेवर्स इन्टरनेशनल नेपाल तथा ग्रामिण विकास तथा शशक्तिकरण केन्द्र (रुडेक नेपाल)को सहकार्यमा वडा स्थित विद्यालयहरूमा दुई दिने जन्मदर्ता अभियान सञ्चालन गरिएको हो । इन्द्रायणी माध्यमिक विद्यालय बानियाटार, आँपचौर आधारभूत विद्यालय, शान्ति विद्या मन्दिर आधारभूत विद्यालय, राष्ट्रिय माध्यमिक विद्यालय र कालिका माध्यमिक विद्यालयमा भर्ना भएका बालबालिकाको अभिभावकसँग अन्तक्रिया गरी उक्त अभियान सञ्चालन गरिएको थियो ।
उक्त अभियानमा वडा अध्यक्ष, वडा सचिव, वडा सदस्यहरू, सम्वन्धित विद्यालयका प्रधानाध्यापक, जन्मदर्ता गर्न बाँकी रहेका बालबालिकाको अभिभावक, रुडेक नेपालका प्रतिनिधिहरू लगायतको उपस्थिति रहेको थियो । कार्यक्रममा जन्म दर्ता गराउन बाँकी बालबालिकाको अभिभावकसँग छलफल गरी जन्मदर्ता नगर्नुको कारण, जन्मदर्ता गर्दाको प्रक्रियाहरू, आवश्यक कागजात लगायतको विषयमा जानकारी गराइएको थियो । जन्म दर्ताको विषयमा वडा नम्बर १ का सचिव सचिव रोशनी पराजुली र वडा नम्बर २ मा वडा सचिव विष्णुमणि घिमिरेले सहजिकरण गरेका छन् ।
अन्तरक्रियाको क्रममा उमेर नपुगी विवाह गरेका, विवाह पछि सम्वन्धमा समस्या व्यहोरिरहेका र अन्य विविध कारणले विवाहदर्ता नभएका आमावुवाका सन्तानहरूको जन्मदर्ता नभएको सम्वन्धित अभिभावकहरूले बताएका थिए । बालबालिकाको पहिचानसँग जोडिएको जन्मदर्ता तत्काल गराउन अभिभावकहरूले प्रतिवद्धता समेत जनाएका छन् । जन्म दर्ता लगायत व्यक्तिगत घटना दर्ता ३५ दिन भित्रमा गराएको खडमा कुनै शुल्क नलाग्ने सरकारी व्यवस्था समेत रहेको छ ।
No comments:
Post a Comment