विदुर । नुवाकोट तेक्वान्दो संघले स्थापना दिवसको अवसरमा १९ वटा विद्यालयलाई सम्मान गरेको छ ।
विदुर नगरपालिका–२ कर्भडहलमा गएको शनिबार आयोजित कार्यक्रममा प्रदेशसभा सदस्य रमेशकुमार महतले विद्यालयका पदाधिकारी तथा खेलाडीलाई सम्मान गरेका थिए । नुवाकोट तेक्वान्दो संघको ३० औं वर्षमा प्रवेशको अवसरमा ती विद्यालयका छात्रछात्राले खेलखेलिरहेका स्कुललाई सम्मान गरिएको संस्थापक प्रशिक्षक हरिहर पाण्डेले बताए । नुवाकोटमा २९ वर्षको अवधिमा १ हजार ५ सय खेलाडी उत्पादन भैसकेको उनले बताए ।
अहिले नुवाकोटमा व्ल्याक बेल्टका ४७६ जना खेलाडी छन् । उक्त खेलको माध्यमबाट आफ्नो सुरक्षा र शरीर तन्दुरुस्त राख्ने सफल तेक्वान्दो खेलप्रतिको आकर्षण बढ्दै गएको संस्थापक प्रमुख प्रशिक्षक पाण्डेले बताए ।
No comments:
Post a Comment