समुन्द्रटार । दुप्चेश्वर गाउँपालिका ६ वटा वडामा वडा स्तरीय बाल अधिकार समिति गठन भएको छ । ग्रामिण विकास तथा शशक्तिकरण केन्द्र (रुडेक नेपाल) द्धारा गुडनेवर्स इन्टरनेशनल नेपालको सहकार्यमा आइसिडिपी परियोजना अन्तर्गत रहेर दुप्चेश्वर गाउँपालिका बाल अधिकार समिति गठन भएको हो ।
गाउँपालिकाको ७ वटा वडा नम्बर वडा नम्बर ६ मा समिति गठन गर्न बाँकी रहेको महिला बालबालिका तथा जेष्ठ नागरिक शाखा प्रमुख निर्मला लामिछानेले बताईन् । बालबालिकाको क्षेत्रमा आइपर्ने समस्याहरू वडा स्तरबाटै समाधान गर्न सहजिकरण गर्ने र हरेक क्षेत्रमा बालबालिकाको अर्थपूर्ण सहभागिता बढाउने उद्देश्यको साथ वडा स्तरीय बाल अधिकार समिति गठन गरिएको बाल कल्याण अधिकारी समेत रहनुभएका शाखा प्रमुख लामिछानेले बताईन् ।
वडा अध्यक्षको संयोजकत्वमा वडा सचिव सदस्य सचिव रहने गरी १३ सदस्यीय गठन गरिएको बाल अधिकार समितिमा शिक्षक, विद्यार्थी, स्वास्थ्य स्वयंंशेविका, महिला तथा आमा समूह, बालबालिकाको क्षेत्रमा काम गर्ने गैर सरकारी सस्था, प्रहरी, बाल क्लव, अपांगता भएका व्यक्ति, आदिवासी जनजाती लगायत वर्गबाट प्रतिनिधित्व रहने पनि बताए । लामिछानेका अनुसार वडा स्तरमा गठित बाल अधिकार समितिबाट हुन नसकेका विषयबस्तुको संवोधन पालिकास्तरको बाल अधिकार समितिले गर्नेछ । गाउँपालिकाका उपाध्यक्ष माकुरी तामाङको संयोजकत्वमा पालिका स्तरीय बाल अधिकार समिति गठन भइसकेको छ ।
No comments:
Post a Comment