पोष्टबहादुर बोगटीको स्मृतिमा भलिबल

काठमाडौँ । विभागीय प्रतिद्वन्द्वी नेपाल पुलिसलाई हराउँदै अर्को विभागीय टोली एपीएफले प्रथम पोष्टबहादुर बोगटी स्मृति कप राष्ट्रिय पुरुष भलिबल प्रतियोगिताको उपाधि जितेको छ । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा गएको हप्ता सम्पन्न भएको फाइनल खेलमा एपीएफले पुलिसमाथि ३–१ सेटमा जित निकालेर च्याम्पियन बनेको हो । 

विभागीय तीन र दुई प्रदेशले सहभागिता जनाएको प्रतियोगिताको विजेता एपीएफले विजेताले ४ लाख रुपैयाँ तथा  उपविजेता पुलिसले २ लाख रुपैयाँ हात पारेको छ । लिग चरणको खेलमा पराजित भएको एपीएफले पुलिसविरुद्ध उत्कृष्ट प्रदर्शन गर्न सफल भयो । पहिलो सेटमा २५–२० ले जितेको एपीएफले दोस्रो सेट भने १७–२५ ले गुमाउन पुगेको थियो । १–१ को सेटपछि प्रतिस्पर्धात्मक बनेको तेस्रो सेटको खेलमा एपीएफले पहिलो सेटमा देखाएको प्रदर्शनलाई निरन्तरता दियो । तेस्रो सेटको सुरुवातमा पुलिसले खाता खोल्दै अगाडि बढे पनि २५–१६ को सहज जित निकाल्दै एपीएफ २–१ को सेटमा अगाडि रह्यो । चौथो सेटमा पनि एपीएफले उत्कृष्ट प्रदर्शनलाई निरन्तरता दिँदा २५–२२ ले खेल पक्षमा पार्दै च्याम्पियन बन्यो ।

प्रतियोगिता अन्तर्गत शनिवार नै तेस्रो स्थानका लागि भएको खेलमा अर्को विभागीय टोली त्रिभुवन आर्मी क्लबले गण्डकी प्रदेशलाई गण्डकी प्रदेशलाई ३–० को सेटमा हराएर तेस्रो स्थान हासिल ग¥यो । आर्मीले गण्डकीमाथि २५–१८, २५–११ र २९–२७ ले हराएको हो । तेस्रो भएसँगै आर्मीले १ लाख र चौथो भएको गण्डकीले ५० हजार प्राप्त ग¥यो । पाँच टोलीले सहभागिता जनाएको प्रतियोगितामा एपीएफका टेकराज अवस्थी सर्वोत्कृष्ट खेलाडी चुनिँदै नगद १५ हजार रुपैयाँ हात पारे । यस्तै उत्कृष्ट स्पाईकर आर्मीका धनबहादुर भट्ट घोषित हुँदा उत्कृष्ट लिबेरोको उपाधि एपिएफका विनोद चन्दले पाए । 

यस्तै उत्कृष्ट सेटर एपिएफका लोकेन्द्र गिरी बन्दा, उत्कृष्ट ब्लकर एपिएफका सुनिल घर्ती मगर, उत्कृष्ट सरभर पुलिसका कप्तान इम राना मगर तथा उत्कृष्ट प्रशिक्षक एपिएफका महेश चौधरी चुनिए । उत्कृष्ट सबैले नगद १० हजार रुपैयाँ हात पारे । विजयी खेलाडीलाई राष्ट्रिय खेलकुद परिषदका सदस्य सचिव टंकलाल घिसिङ र पोस्टबहादुर स्मृति फाउन्डेसनका पदाधिकारीले पुरस्कृत गरे ।