 |
| सांसद बिमला सुवेदी । |
काठमाडौं । संघिय सांसद विमला सुवेदीले अमेरिकी मिलेनियम च्यालेन्ज कर्पोरेसन (एमसीसी) अन्तर्गत नुवाकोट जिल्लाका प्रभावितलाई बिशेष रुपमा हेर्नको लागी माग गरेका छन् ।
प्रतिनिधिसभाको गएको आइतबारको शून्य समयमा बोल्नुहुँदै सांसद सुवेदीले नुवाकोटको बेलकोटगढी नगरपालिकाको वडा नम्बर ७ रातमाटेमा बन्ने सवस्टेशन प्रभावित जनतालाई विशेष सेयर दिन माग गरेका हुन् । उनले रातमाटे सवस्टेशनबाट हटौंडा र दमौलीतर्फ लगिने प्रसारन लाइन प्रभावित जनतालाई विशेष सेयर दिन माग गरेका हुन् ।
उनले त्यस क्षेत्रका ‘कोल्पुटार–बाघखोर–म्याङ्ली पोखरी–पातले सडक पूर्वाधारलगायत नुवाकोटका सडकहरू कालोपत्र गर्न समेत माग गरेका छन् । परियोजनाअन्तर्गत ५ वर्षभित्र करिब ३१५ किमि प्रसारण लाइन र ७७ किमि सडक मर्मत सम्भार गर्ने योजना रहेकोमा नुवाकोट जिल्ला बेलकोटगढी नगरपालिका वडा नम्बर ७ रातमाटेमा सवस्टेशन रहने र त्यहाँबाट हेटौंडा र दमौलीतर्फ एक एक प्रसारणलाइन लगिने योजना रहेकोले त्यस बापत स्थानियहरूलाई प्रतिफल दिनुपर्ने बताएका छन् । यस्तै, प्रशारण लाईनका कारण अब्यबस्थित बन्ने स्थानीय तहमानै पुर्बाधार बिकासको बजेट समेत खर्चिनुपर्ने माग गरेका छन् । सदनमा सम्बोधन गर्दै उनले नुवाकोटको आकाश माकुरोको जालोजसरी बिजुली तारले ढाकिने भएकोले त्यहाँका प्रभावित जनतालाई विशेष सेयरको व्यवस्था गर्न सांसद विमला सुवेदीले आग्रह गरेका छन् ।
सडक पूर्वाधारतर्फ कोल्पुटार–बाघखोर–म्याङ्लीपोखरी–पातले सडकलगायत नुवाकोटका सडकहरू कालोपत्र गर्न सभामुखमार्फत सरकार र सम्बन्धित निकायको गम्भीर ध्यानाकर्षण गराएका छन् ।
नुवाकोट जिल्लाको बेलकोटगढी नगरपालिकामा रातमाटे सब–स्टेसन, तनहुँ जिल्लामा नयाँ दमौली सब–स्टेसन र नवलपरासी पश्चिम जिल्लाको भुमहीमा नयाँ बुटवल सब–स्टेसन निर्माण गरिनेछ,’’ एमसीए नेपाल विकास समितिको वेबसाइटमा उल्लेख गरिएको छ । आयोजना अन्तर्गत प्रसारण लाइन काठमाडौंको लप्सीफेदी अनि मकवानपुर जिल्लाको नयाँ हेटौँडास्थित विद्यमान सब–स्टेसनहरूमा जोडिनेछ ।
No comments:
Post a Comment