विदुर । नेपाल कम्युनिष्ट पार्टी एकीकृत समाजवादी नुवाकोटको विदुर नगर स्तरीय कार्यकर्ता भेलाले २५ सदस्यीय नगर कमिटी गठन गरेको छ ।
विदुर नगर कमिटीको आयोजनामा शनिवार भएको भेलाले विदुर नगर कमिटीको संयोजकमा सजनकुमार श्रेष्ठलाई चयन गरेको हो । पार्टी उपसचिव उद्वव पनेरुका अनुसार सहसंयोजकमा सुजना खतिवडा, सचिवमा दिपेशलाल चित्रकार र सहसचिवमा वर्षा चित्रकारलाई चयन गरेको छ । त्यस्तै, सदस्यहरूमा जीवन कुमाल, दिपक थापा, सविता श्रेष्ठ, हरिमाया तामाङ श्रेष्ठ, गौरी विक, राजु रिमाल, शंकर गजुरेल, साजन राई, गोपिनी केसी, बासु चित्रकार, अनिश्मा राई, सीता राई, सविता सडौला, कृति थापा, हरि गुरुङ, निर्जल राई, विनोद केसी, शारदा गजुरेल, सम्भव न्यौपाने, महेन्द्रलाल डंगोल छन् ।
कार्यक्रमका प्रमुख अतिथि केन्द्रीय उपमहासचिव गंगालाल तुलाधारले समाजवादी पार्टीलाई नुवाकोटको १२ वटै पालिकाहरूमा वडा कमिटी देखि पालिका किमिटी सम्मका सबै संगठन बिस्तार गर्दैलैजानका लागि सहयोग गर्न केन्द्रीय पार्टीले नुवाकोटमा खटाएको र पार्टीको निर्देशन अनुसार सबै भातृसंगठन बनाएर जाने प्रतिवद्वता व्यक्त गरे । उनले संगठनमा आवद्ध सदस्यहरूले पार्टीका हरेक मोर्चामा आफूलाई दरिलो र तर्कसंगत रुपमा टोल र बस्तिहरूमा समाजवादको नारा लिएर जान निर्देशन दिए । तुलाधारले भने – ‘एकीकृत समाजवादी र समाजवादका विषयमा पशिक्षण कार्यकर्तामा दिएर समाजवाद किन चाहिन्छ भन्ने परिभाषा नागरिकहरू माझँ परामर्श दिनुआजको मुख्य आवश्यकता रहेको छ ।’
कार्यक्रममा नेकपा एकीकृत समाजवादी पार्टी इन्चार्ज राजेन्द्रप्रसाद लोहनी, केन्द्रीय परिषद सदस्य सुर्यबहादुर कँडेल, पार्टी अध्यक्ष गोबिन्द नेपाली, केन्द्रीय निर्वाचन आयोगका सदस्य शसन्त बस्नेत, केन्द्रीय परिषद सदस्य यमकुमार खाती, कृष्णप्रसाद दाहाल प्रदेश कमिटी सदस्य राजु सडौला, पार्टी सचिव पदम उप्रेती, जिल्ला कमिटी सचिवालय सदस्य प्रकाश नेपाल, नेपाल खेलकुद महासंघ समाजवादी बागमती प्रदेश कमिटी अध्यक्ष उत्तम श्रेष्ठ, युवासंघ नेपाल नुवाकोटका अध्यक्ष सुरेश अधिकारी, समाजवादी प्रेस संगठन नुवाकोटका अध्यक्ष जमुना गजुरेल लगाएतको उपस्थिति रहेको थियो ।
यसै बीच, उक्त कार्यक्रममा नेकपा एमाले बेलकोटगढी नगरपालिका नगर कमिटी सदस्य सोमप्रसाद भट्टले एमाले पार्टी परित्याग गर्दै एकीकृत समाजवादीमा समाहित भएका छन् ।
No comments:
Post a Comment