 |
| नेकपा एमालेका उपाध्यक्ष एवं पूर्वअर्थमन्त्री सुरेन्द्र पाण्डे |
बट्टार । नेकपा एमालेका उपाध्यक्ष एवं पूर्वअर्थमन्त्री सुरेन्द्र पाण्डेले नयाँ शक्तिलाई कम आँक्न नहुने बताएका छन् । उनले नयाँ ढंगले सोचेर शासकीय सुधार गरेर जनताको काम गर्न नसकिए पानीको फोका जस्तो बन्ने बताए ।
‘यदि हामी शासकीय सुधार गरेर स्थापित हुन सक्छौं भने अहिले आएका कतिपय शक्तिहरू पानीका फोका भएर जान्छन्,’ प्रेस चौतारीले बुधबार आयोजना गरेको पत्रकार भेटघाटमा पाण्डेले बताए ‘होइन ती पानीका फोका हुन् तिनीहरूको कुरा गम्भीरतापूर्वक लिनुपर्दैन भनियो भने हामी पानीको फोकामा सावित हुन्छौं । त्यो समयले बताइरहेको छ ।’ तर देश कुनै नयाँ प्रणालीतर्फ नजाने उनको भनाइ थियो । नेकपा एमाले जिल्ला कमिटी नुवाकोटले बुधबार आयोजना गरेको मिसन ग्रासरुट अभियान समापन कार्यक्रममा आएका एमाले उपाध्यक्ष पाण्डेले भने, ‘किमार्थ कुनै प्रणालीतर्फ देश जाँदैन । राजा आफैंले टिकाउन नसकेर फर्किएर गएको व्यवस्था फेरि कसले ल्याइदिने ? आउँछ ? आफैंले नसकेको होइन ?, आफैंले नसकेको व्यवस्था फर्केर आउछ ? आउँदैन ।’
कसैलाई राजसंस्था आउला कि भन्ने लाग्नु अर्थहिन भएको उनको भनाइ थियो । राजाको निम्ति मानिसहरू त्याग र बलिदान गर्न तयार नरहेको स्मरण गराउँदै उनले बहुदलीय व्यवस्थाको विकल्प नरहेको बताए । ‘यो व्यवस्थाको विकल्प अर्को आउँदैन । तर यो व्यवस्था प्रयोगमा भएको शासकीय प्रबन्ध जुन छ, त्यो प्रबन्धप्रति मान्छे असन्तुष्ट छ । भनेको काम हुँदैन । समयमै काम हुँदैन,’ उनले भने ।
नेता पाण्डेले उपनिर्वाचनको नतिजाको नेकपा एमाले समीक्षा गर्ने भन्दै मिसन ग्रसरुटको प्रभाव निर्वाचन भएका जिल्लामा नभएको बताए । ‘जुनजनु जिल्लामा चुनाव भए ती जिल्लाहरूमा मिसन ग्रस रुटको प्रभाव सकारात्मक देखिएन,’ उनले भने ।
No comments:
Post a Comment