 |
| रसुवा जिल्ला अस्पतालमा शल्यक्रियासहित प्रसूति सेवा |
धुन्चे । रसुवा जिल्लाको सदरमुकाम धुन्चेमा रहेको जिल्लाकै पहिलो सरकारी अस्पताल रसुवा जिल्ला अस्पतालमा गएको सोमबारबाट शल्यक्रियासहित प्रसूति सेवा सुरु भएको छ । पहिलोपटक शल्यक्रियासहितको प्रसूति सेवा सुरु भएको हो ।
घरको आर्थिक अवस्था कमजोर भई त्रिशूली अस्पताल वा काठमाडौं जान नसकिरहेका स्थानीयस्तरमै सुत्केरी बेथा लागेका महिलालाई शल्यक्रियाबाट तत्काल बच्चा जन्माउन सुविधा पुगोस् भनेर अस्पतालले दक्ष चिकित्सकसहितको समूह तयार पारेको छ । बागमती प्रदेश सभा सदस्य प्रभात तामाङले वैशाख १८ गते सोमबार अस्पतालमा शल्यक्रियासहितको प्रसूति सेवा शुभारम्भ गरेका थिए । प्रसूति सेवा सञ्चालनलाई निरन्तरता दिन बागमती प्रदेश सरकारको तर्फबाट आफू सधैँ लागिरहने प्रदेश सभा सदस्य तामाङले प्रतिबद्धता व्यक्त गरे । शल्यक्रियासहितको प्रसूति सेवा जिल्ला अस्पतालबाट हुने भएपछि सुत्केरी बेथा लागेका महिलालाई अन्त लानुपर्ने समस्याको अन्त्य भएको अस्पताल व्यवस्थापन समितिका अध्यक्ष दुर्गाप्रसाद आचार्यले बताए ।
No comments:
Post a Comment