 |
| शिलान्यासमा मेयर, उपमेर लगायत वडाअध्यक्षहरु । |
बट्टार । विदुर नगरपालिका वडा नम्बर ४ बट्टारको हावाघरमा स्यानीटरी ल्याण्डफिल साइट बन्ने भएको छ । स्यानीटरी ल्याण्डफिल साइडको गएको आईतवार विदुर नगरपालिकाका मेयर राजन श्रेष्ठ, उपमेयर प्रभा बोगटी लगायतले शिलान्यास गरेका हुन् ।
स्यानीटरी ल्याण्डफिल साइड निर्माणको लागि गत बैशाख १० गते कर्मासाङ निर्माण सेवालाई भ्याट सहित ९४ लाख ९३ हजार ३७७ रुपैयाँमा निर्माणको जिम्मेवारी दिइएको छ । सो स्यानीटरी ल्याण्डफिल साइटको निर्माण आगामी असार २५ गतेसम्म काम सम्पन्न गर्न म्याद दिइएको नगरपालिकाका मेयर राजन श्रेष्ठले जानकारी दिएका छन् ।
स्यानीटरी ल्याण्डफिल साइटको निर्माण समयमा नै सम्पन्न गर्न सरोकार राख्ने स्थानीय र सबै सरोकारवालाहरूले चासो र ध्यानाकर्षण गर्नुपर्ने मेयर श्रेष्ठले बताएका छन् । उनले गुणस्तरीय कामको लागि नागरिक तथा सबै निकायले निर्माण कम्पनीलाई झक्झकाउनु पर्ने समेत उल्लेख गरे ।
स्यानीटरी ल्याण्डफिल साइड शिलान्यास कार्यक्रममा विदुर नगरपालिका वडा नम्बर ४ का वडाध्यक्ष निलमबाबु ढुङ्गेल, वडा नम्बर ६ का वडाध्यक्ष श्यामकृष्ण चालिसे लगायतको उपस्थिति रहेको थियो ।
No comments:
Post a Comment