गोली लागेर एकको मृत्यु

विदुर । नुवाकोटको किम्ताङमा गोली लागेर एक युवाको गएको आनइतवार मृत्यु भएको छ । किम्ताङका २६ वर्षीय पञ्च घलेको गोलीको छर्रा लागेर मृत्यु भएको प्रहरीले जनाएको छ । म्यागङ गाउँपालिका ४ किम्ताङमा शिकार खेल्न जंगल गएका २८ वर्षीय अमित तामाङले बोकेको भरुवा बन्दुक पड्किँदा पञ्च घलेको मृत्यु भएको प्रहरीले जनाएको छ ।

गङमरङ वनमा पञ्च घले र अमित तामाङ सिकार खेल्न हिँडेको र हिड्दा लडेर बन्दुक पड्किएको अमित तामाङले जिल्ला प्रहरी कार्यालयमा बयान दिएका छन् । अमितको जानकारीसँगै घटनाको बारेमा अनुसन्धान अघि बढाएको जिल्ला प्रहरी कार्यालयका नुवाकोटका डीएसपी खगेन्द्रबहादुर खड्काले जानकारी दिए ।