तादीमा दुईको ज्यान गयो

विदुर  । नुवाकोटको तादी गाउँपालिका ४ ढाँडेमा दुई फरक घटनामा दुई जानको ज्यान गएको छ ।
    ढाँडे स्थित शिवमन्दिरमा बिजुलीको तार वायरिङ गर्ने क्रममा स्थानीय २१ वर्षीय सुमन तामाङको करेन्ट लागेर मृत्यु भएको हो । अर्का स्थानीय १८ वर्षीय सरोज मिजार घाइते भएका हुन् ।
    यसै बीच, तादी गाउँपालिका–४ ढाँडेमा पौडी खेल्ने क्रममा शुक्रबार साँझ एक जनाको मृत्यु भएको छ । मृत्यु हुनेमा सिन्धुपाल्चोक ईन्द्रवती गाउँपालिका–८ बस्ने १८ वर्षीय अरुण श्रेष्ठ छन् । श्रेष्ठ खोलामा डुबेपछि स्थानीयको सहयोगमा प्रहरीले उद्धार गरी बाहिर निकालेको थियो । उनलाई अस्पताल लैजान नपाउँदै मृत्यु भएको प्रहरीले जनाएको छ ।