बिद्यार्थीहरूलाई सचेतना कक्षा

सचेतना कार्यक्रम

विदुर । जिल्ला युवा समिति नुवाकोटले बिद्यार्थीहरूलाई लागु पदार्थ दुव्र्यसन तथा साइबर अपराध सम्बन्धि सचेत गराएको छ ।
    गएको बिहिवार जिल्ला युवा समिति नुवाकोटल विभिन्न विद्यालयका शिक्षक तथा विद्यार्थीहरू लाई लागु औषध भनेको के हो साइबर क्राइम भनेको के हो, यसबाट कसरी सचेत रहने र यस्ता घटनाहरू घट्न नदिनका लागी के कस्ता उपायहरू अवलम्बन गर्न सकिन्छ भन्ने जानकारी गराईएको थियो ।
    कार्यक्रममा नुवाकोटका साहायक प्रमुख जिल्लला अधिकारी बेधनिधी अधिकारीले लागु पदार्थ दुव्र्यसन र साइबर अपराधका बारेमा बिभिन्न घटनाहरू घटिरहेको तथ्याङक प्रस्तुत गर्दै त्यस्ता घटनाहरू घट्न नदिनका लागी हामी आफै सचेत हुनु पर्ने कुरामा जोड दिए ।
    यस्तै  जिल्ला युवा समिति नुवाकोटको अध्यक्ष उद्धव पनेरुले लागु पदार्थ र साइबर अपराधमा धेरै जसो युवा उमेरको बढी सक्रियता रहेकाले लागु पदार्थबाट बच्न र साइबर क्राइमबाट जोगिन सञ्चार माध्यमको प्रयोग सही तरिकाले गर्नुपर्ने बताए ।
    अध्यक्ष पनेरुले लागु पदार्थ दुव्र्यसनलाई अन्त्य गर्न सबै युवाहरू लागी पर्नुपर्ने कुरालाई समेत जोड दिएका थिए । पत्रकार महासंघ बाग्मतीका अध्यक्ष शिव देवकोटा, नुवाकोटका अध्यक्ष कपिलदेव खनाल, सचिव जगदिश खनाल लगातको उपस्थिती थियो ।