पत्रकारलाई आत्म सुरक्षा तालिम

विदुर । नुवाकोटमा गएको आईतवार र गएको सोमवार दुई दिन जिल्लामा mित्रयाशिल ३३ जना पत्रकारहरूलाई लागि आत्म सुरक्षा तालिम दिइएको छ ।
    नेपाल पत्रकार महासंघ बागमती प्रदेशको आयोजना एवं पत्रकार महासंघ नुवाकोट शाखाको संयोजन र प्रदेश युवा परिषद् बागमती प्रदेशको सहयोगमा पत्रकारहरूका लागि आत्मरक्षा तालिम दिइएको हो । तालिममा विभिन्न बिपदको समयमा आफुलाइ सुरक्षित कसरी राख्ने भन्ने विषयमा शैद्धान्तिक र प्रयोगात्मक विषयमा तालिम दिइएको छ ।
    प्रशिक्षकको रुपमा खोज पत्रकार केपी ढुङ्गाना र जिल्ला प्रहरी कार्यालयको टोलीले समाचार संकलन गर्न जाँदा हुन सक्ने अवरोध भौतिक आक्रमणको डिफेन्स कसरी गर्ने भन्ने विषयमा सैदान्तिक र व्यवहारिक सिकाएका थिए । पत्रकार महासंघ बागमती प्रदेशका अध्यक्ष शिव देवकोटाले विपद, भिडभाड र द्धन्द्धको समयमा कसरी समाचार संकलन गर्ने भन्ने विषयमा जानकारी दिनका लागि नुवाकोटमा आत्मरक्षा तालिमको आयोजना गरेको जानकारी दिए । उनले बागमती प्रदेशकै पत्रकारहरूको क्षमता विकासको लागि प्रदेश महासंघ सधैँ प्रतिवद्ध भएर लाग्ने बताए ।
    कार्यक्रममा पत्रकार महासंघका केन्द्रिय सदस्य ध्रुबकुमार रावल, पत्रकार महासंघ नुवाकोटका अध्यक्ष कपिलदेव खनाल, बागमाती प्रदेश सदस्य रामहरि गजुरेल, प्रेस चौतारी नुवाकोटका अध्यक्ष नवदिप श्रेष्ठ र प्रेस युनियन  अध्यक्ष नवराज सुवेदी ले तालिमले समाचार संकलनमा आइपर्न सक्ने सम्भावित असुरक्षालाई चिर्न मद्दत मिल्ने विश्वास गरे ।