फुटबलको उपाधी २ नं. वडालाई

पुरस्कार वितरण समारोह

खरानीटार । फुटबल खेलको विकास र विस्तार गर्ने उद्धेश्यले नुवाकोटको पूर्वी भेगमा रहेको तादी गाउँपालिकामा अध्यक्ष कप फुटबल प्रतियोगिता सम्पन्न भएको छ । पालिकाका वडास्तरबाट खेलाडीले प्रतिस्पर्धा गरेको प्रतियोगिताको उपाधी तादी २ले जितेको छ ।
    तादी–३ द्वारा स्थानीय अमरज्योति माविको खेल मैदानमा आयोजित प्रतियोगिता दुई दिन सञ्चालन भएको थियो । प्रतियोगिताको फाइनल खेलमा तादी २ ले तादी ३ लाई एकका विरद्ध तीन गोल गरी उपाधी हात पारेको हो ।
    प्रतियोगिताको विजेता तथा उपविजेतालाई तादी गापा अध्यक्ष सन्तमान तामाङ, उपाध्यक्ष सन्जु प्याकुरेलश्रेष्ठ, प्रमुख प्रशासकीय अधिकृत खेमराज छिनाल वडाध्यक्ष सोनाम तामाङलगायतले नगदका साथै शिल्ड, मेडल र प्रमाणपत्र प्रदान गरेर पुरस्कृत गरे । विजेता तादी २ ले नगद ५० र उपविजेता तादी ३ ले नगद २५ हजार रुपैयाँ हात पारेको छ । पुरस्कार वितरण गर्दै तादी गापाका अध्यक्ष सन्तमान तामाङले खेल क्षेत्रको विकासका लागि पालिकाले कार्यक्रम अगाडि बढाउने योजना रहेको बताए ।
    पुरस्कार वितरण गर्दै गापा उपाध्यक्ष सन्जु प्याकुरेलश्रेष्ठले मानविय जीवनमा अनुशासन महत्वपुर्ण आयाम भएको र यसको विकास खेलको प्रवद्र्धन हुने बताइन् । उनले खेल र खेलाडीहरूको विस्तारका लागि तादी गापाले विविध कार्यक्रमहरू थप गर्ने योजना रहेको बताइन् । सो प्रतियोगितामा ६  समूह सहभागी थिए ।