मदिरा र सुर्तीको अनुगमन

विदुर । कोष तथा लेखा नियन्त्रण कार्यालय नुवाकोटले बजार अनुगमन समितिका संयोजक तथा सहायक प्रमुख जिल्ला अधिकारी बेदनिधी अधिकारीको अध्यक्षतामा मदिरा तथा सुर्तीजन्य बस्तुहरूको दर्ता तथा बजारको आज अनुगमन गरेको हो ।
    बजार अनुगमनका लागि कोष तथा लेखा नियन्त्रण प्रमुख भिमप्रसाद देबकोटा, नुवाकोट उद्योग बाणिज्य संघका बरिष्ठ उपाध्यक्ष सन्तोष उप्रेती, प्रहरी निरिक्षक पुष्प दर्लामी, विदुर नगरपालिका वडा नं. २ का अध्यक्ष दिपक कायस्थ लगायतका टोलीले बजार अनुगमन गरेका हुन् ।
    विदुर नगरपालिका अन्तर्गतका मुख्य ब्यापारिक केन्द्रहरू त्रिशुली बजार, ढुङ्गे, विदुर, बट्टार बजार, हावाघर क्षेत्रमा होटल, मदिरा ब्यबसायी, खाद्यान्न किराना, होलसेल पसलहरूमा मदिरा तथा सुर्तीजन्य पदार्थको अन्तःशुल्क दर्ता तथा नवीकरण गर्नको लागि अनुरोध तथा जानकारी गरााइएको उद्योग वाणिज्य संघका वरिष्ठ उपाध्यक्ष उप्रेतीले जानकारी दिएका छन् ।