पाँच लाखको क्षती

समुन्द्रटार । अविरल वर्षाका कारण दुप्चेश्वर गाउँपालिका–४ गोल्फुभन्ज्याङमा शनिवार राती पहिरोले एक स्थानीयको गोठ बगाउँदा पाँच लाख बराबरको क्षति भएको छ । स्थानीय श्याम गुरुङको गोठ बगाउँदा एउटा भैंसी, ६ वटा बाख्रा मरेका छन् । गोठभन्दा माथिबाट पहिरो गएपछि त्यहाँको स्थानीय सडक खण्डसमेत अवरुद्ध भएको वडाध्यक्ष ज्ञानबहादुर तामाङले जानकारी दिए । घर र गोठ अलग्गै भएकाले कुनै मानवीय क्षति भने नभएको उनले बताए ।