 |
| महिला बन्दीलाई प्रशिक्षण |
ढुङ्गे । जिल्ला कारागार नुवाकोटका महिला कैदीबन्दीले सकारात्मक सोच विषयमा दुईदिने मनोपरामर्शको प्रशिक्षण लिएका छन् ।
कारागारमा रहेका महिला कैदीबन्दीलाई महिला, बालबालिका तथा ज्येष्ठ नागरिक मन्त्रालय सिंहदरबार काठमाडौंको आयोजनामा असार ७ र ८ गते प्रशिक्षण दिइएको थियो । विभिन्न आरोप वा अपराधमा रहेका महिला कैदीबन्दीमा सकारात्मक सोचको विकास गराउन उक्त प्रशिक्षण दिइएको महिला सशक्तीकरण महाशाखाका प्रमुख महिला विकास अधिकृत ममता विष्टले बताइन् । जिल्ला कारागारमा १८ महिला कैदीबन्दी रहेको जेलर गंगालाल योगीले जानकारी दिए । मनोपरामर्शको प्रशिक्षण सरिता लामा र विष्णुकुमार वाइबाले दिएका थिए । जेलजीवनलाई सुधारगृहको रूपमा लिएर आफ्नो जीवन सुधार्न यो प्रशिक्षणले सघाउने नुवाकोटका प्रमुख जिल्ला अधिकारी किरण थापाले बताए ।
No comments:
Post a Comment