 |
| चार्जिङ्ग स्टेसनको निर्माण हुँदै |
त्रिशुली । विदुर नगरपालिका वडा नम्बर १ को त्रिशुली वसर्पाकमा टिमुरे यातायात प्रालिले आफ्नै लगानीमा विद्युतिय चार्जिङ्ग स्टेसनको निर्माण शुरु गरेको छ । छिट्टै उक्त कम्पनीले काठमाडौं–त्रिशुलीमा सञ्चालन गर्न लागेको ई–माईक्रोको लागि विद्युतिय चार्जिङ्ग स्टेसनको निर्माण गर्न लागेको टिमुरे यातायात प्रालिका अध्यक्ष प्रकाश जोशीले बताए ।
विदुर नगरपालिका वडा नम्बर १ का वडाध्यक्ष लेनिन रन्जितको पहलमा विद्युत प्राधिकरणले ट्रान्सफरमर सहित अन्य प्राविधिक सहयोग गरेको छ । त्यस बाहेक नै चार्जिङ्ग स्टेसनको निर्माण गर्न झण्डै ३० लाख रुपैयाँ लाग्ने उनले बताए ।
आन्तरिक रुपमा विद्युत खपत बढाउने महत्वपूर्ण क्षेत्र यातायात भएकोले सकारको नितिलाई सहयोग गर्नका लागि आफुहरूले ई–माईक्रोको सञ्चालन गर्न लागेको अध्यक्ष जोशीको भनाई छ । पहिलो चरणमा दशैबाट काठमाडौं–त्रिशुलीको रुटमा १० ओटा ई–माइक्रो सञ्चालन गर्ने तयारी गरिएको उनले बताएका छन् ।
No comments:
Post a Comment