सामुदायिक विद्यालयहरूलाई फर्निचर वितरण

विवतरण भएको फर्निचर

विदुर । नुवाकोटको तारकेश्वर गाउँपालिकाले आफ्नो गाउँपालिका भित्र रहेका ११ वटा विभिन्न सामुदायिक विद्यालयहरूलाई फर्निचर उपलब्ध गराएको छ । गएको मंगलवार एक कार्यक्रमको आयोजना गर्दै गाउँपालिकाका अध्यक्ष शिव अधिकारीले विद्यालयहरूलाई फर्निचर उपलब्ध गराएका हुन् ।
    केही महिना अगाडि गाउँपालिका अध्यक्ष अधिकारीले बिद्यालयहरूको अनुगमन गर्दा केही विद्यालयहरूमा फर्निचरको अति आवश्यक रहेको देखेपछि आज सो विद्यालयहरूलाई आवश्यकताको आधारमा दराज, कुर्सी, अफिस टेवल र लो टेवल वितरण गरिएको हो । वितरण गरिएको सामाग्रीहरूमा दाराज ११ थान, अफिस कुर्सी, ११ थान, अफिस टेबल ११ थान र लो टेबल ५५ थान रहेका छन् । विद्यालयलाई चाहिने आवश्यक फर्निचर वितरण गर्दै आउँपालिका अध्यक्ष अधिकारीले पछिल्लो समय पालिका भित्रको शैक्षिक सुधारका लागि शिक्षकहरूको सरुवा गर्ने निर्णयलाई लिएर अनावश्यक हौवा फैलाइएको भन्दै असन्तुष्टि व्यक्त गरेका छन् ।
    उनले पालिकाको शैक्षिक सुधार गर्ने काममा अवरोध सिर्जना गर्ने र भाँड्ने मानसिकताबाट मुत्त हुने सबैलाई आग्रह गरे । गाउँपालिका अध्यक्ष अधिकारीले पालिकाको शैक्षिक उनन्नयको लागि आफु विद्यालयहरूलाई जस्तो सुकै सहयोग गर्न समेत तयार रहेको प्रतिबद्धता व्यक्त गरे ।