दलित बस्तीका घर–घरमै धारा

घर–घरमै धारा

तारुका । तारकेश्वर गाउँपालिका वडा नं. ३ तारुका बदेली गाउँको दलितबस्तीमा पिउने पानी योजना सञ्चालन भएको छ । यसबाट दलित समुदायमा पानीको सुविधा पुगेको छ ।
    बदेलीका ५० घरधुरी दलित समुदायका बस्तीलाई लक्ष्यित गरी १० लाख रुपैयाँको लागतमा गाउँपालिकाले निर्माण गरेको कामीधारा खानेपानी आयोजनाको निर्माण कार्य पूरा भएसँगै दलित समुदायलाई पिउने पानीको सुविधा पुगेको वडाध्यक्ष सुर्यमान श्रेष्ठको भनाइ छ । स्थानीय मिजार समुदायका प्रत्येक घरमा पुगेको धाराबाट दलित समुदायका २५० जनालाई प्रत्यक्ष सुविधा पुगेको छ । कामीधारा खानेपानी आयोजनाको तारकेश्वर गापा  अध्यक्ष शिव अधिकारी अविरलले उद्घाटन गरे । उनले दलित बस्तीमा अन्य सेवा सुविधा पु¥याउने कार्यका लागि पनि तारकेश्वर गापा क्रियाशील भइरहेको प्रतिवद्धता जनाए ।