वडा अध्यक्ष परस्त्रीसहित पक्राउ

विदुर । नुवाकोट जिल्लाको म्यागङ गाउँपालिका वडा नम्बर ३ का अध्यक्ष परस्त्रीसहित होटलबाट आइतवार दिउँसो पक्राउ परेका छन् । विदुर नगरपालिका वडा नम्बर २ को होटल दरबारभ्यूबाट नेपाली कांग्रेसका नेता समेत रहेका हरीबहादुर तामाङ पक्राउ परेका हुन् ।
    जिल्ला प्रहरी कार्यालय नुवाकोटले घटना बिबरण बताउन नचाहे पनि पक्राउको भने पुष्टि गरेको छ । महिलाको श्रीमानको उजुरीको आधारमा पक्राउ गरिएको प्रहरी स्रोतले बताएको छ । श्रीमान बैदेशिक रोजगारीको शिलशिलामा देशबाहिर रहेपछि वडा अध्यक्ष तामाङले ती महिलासँग समय बिताउने गरेका थिए । महिलाको श्रीमानको सूचनापछि प्रहरीले श्रीमान सहित होटलबाटै उनीहरूलाई पक्राउ गरेको हो । प्रहरीका अनुसार महिला र श्रीमानले उजुरी नदिएपछि वडा अध्यक्ष तामाङलाई आइतवार साँझ नै छाडिएको छ । उनीहरूले आपसी सहमति गरेको अनुमान छ ।