उपमेयरले गरे अक्षयकोषको स्थापना

जिलिङ । बेलकोटगढी नगरपालिकाका उपमेयर एवं नेपाली काँग्रेस नुवाकोटका पूर्व जिल्ला सचिव शिवप्रसाद दाहालले आफ्ना स्वर्गिय पिता नेत्रप्रसाद दाहालको स्मृतिमा अक्षयकोष स्थापना गरेका छन् । कल्याणीदेबी माध्यमिक बिद्यालयमा कोषको स्थापना भएको हो ।
    विद्यालयद्वारा शुक्रबार आयोजित दशैँ तिहारको विशेष शुभकामना आदान प्रदान कार्यक्रममा प्रमुख अथितिको रुपमा सहभागी हुँदै उपप्रमुख दाहालले सो अवसरमा ५० हजारौंको चेक विद्यालयलाई हस्तान्तरण गरे । सो रकम स्वर्गिय पिता नेत्रप्रसाद दाहालको नाममा अक्षयकोष रहने गरी जुनियर रेडक्रस सर्कल कल्याणीदेबी माविको नाममा हस्तान्तरण गरिएको छ ।
    उपमेयर दाहालले यसअघि आफ्ना पिताको स्मृतिमा देबीघाट जेष्ठ नागरिक प्रतिष्ठानलाई पनि ५० हजार रुपैयाँ सहयोग गरेका थिए ।