 |
| सुर्यगढी गाउँपालिकाले खरिद गरेको डोजर |
चोकदे । नुवाकोटको सुर्यगढी गाउँपालिकाले आफ्नै जेसिबि (ब्याक हु लोडर) खरिद गरेको छ ।
खरिद गरेर ल्याइएको जेसिबि गएको आईतवारदेखि सञ्चालनमा ल्याइएको छ । जेसिबि सञ्चालनमा आएसँगै गाउँपालिकाको ५ वटै वडाको तत्काल ६२ किलो मिटर बाटो सफा गरिने गाउँपालिकाका अध्यक्ष सन्तबहादुर घले तामाङले जानकारी दिए । उनले पहिला प्राथमिकताको आधारमा पर्ने सडकहरू सफा गरेर शाखा सडकहरू सफा गरेर चाडपर्वमा सबै वडामा वस चल्ने वातावरण मिलाइने अध्यक्ष घलेले बताए ।
गाउँपालिका क्षेत्रका सडक निर्माण, विस्तार, स्तरवृद्धि र अन्य पूर्वाधारको कामका लागि आफ्नै डोजर खरिद गरिएको अध्यक्ष घलेले बताए । गाउँमा सडक निर्माण, स्तरवृद्धि र पूर्वाधार निर्माणका कामलाई मितव्ययी तथा व्यवस्थित बनाउन आफ्नै डोजर खरिद गरेर ल्याइएको उनले बताए । यसअघि पालिकामा डोजर नहुँदा वर्षायाममा निकै समस्या हुँदै आएको थियो । सडक अवरुद्ध हुँदा धेरै दिन कुर्नु पर्ने र पाए पनि चर्को भाडा तिर्न‘ पर्ने समस्या अबदेखि हटेर जाने गाउँपालिकाका अध्यक्षेले जानकारी दिए ।
डोजरको नियमित सञ्चालनका लागि चालक समेत नियुक्त गरिएको छ । अबदेखि पालिकाका ५ वटै वडाका जुनसुकै टोलमा सडक निर्माण गर्नुपरेमा वा पुरानो सडक मर्मत तथा स्तरोन्नती गर्न‘परेमा आफ्नै डोजरको प्रयोग गरिने भएको छ ।
No comments:
Post a Comment