गाडी दुर्घटना हुँदा तीनको मृत्यु

रसुवा । रसुवाको आमाछोदिङमो गाउँपालिका–२ नेसिङ खोलामा गाडी दुर्घटना हुँदा ३ जनाको गएको सोमवार घटनास्थलमै मृत्यु भएको छ । आमाछोदिङमा २ नेसिङबाट ग्रेतर्फ आलु बोकेर जाँदै गरेको बा ५ ख ५७८ नम्बरको आइचर गाडी दुर्घटना हुँदा ३ जनाको मृत्यु भएको हो । मृत्यु हुनेमा आमाछोदिङमा–२ का ३० वर्षिय फुर्पा छोवाङ, सोही स्थानकी ४० वर्षिया पेम्बाडोल्मा तामाङ र ३० वर्षिय अक्कलबहादुर तामाङ रहेको रसुवा जिल्लाका प्रहरी नायव उपरीक्षक सुवास बुढाथोकीले जानकारी दिए । दुर्घटनामा परी ५ जना घाइते भएका छन् । गाडी सडकबाट करिब २ सय मिटर तल खसेको बुढाथोकीले बताए ।