बुद्धभूमि हाइड्रोपावरको हकप्रद आउँदै

विदुर । नुवाकोटमा सञ्चालित बुद्धभूमि नेपाल हाइड्रोपावरले हकप्रद सेयर निष्काशन गर्ने भएको छ ।  कम्पनीले हकप्रद सेयर निष्काशनका लागि निष्काशन तथा बिक्री प्रबन्धकमा एनआइसी एशिया क्यापिटल लिमीटेडलाई नियुक्त गरेको छ ।
    बुद्धभूमि नेपाल हाइड्रोपावर कम्पनी र एनआइसी एशिया क्यापिटलबीच यस सम्बन्धमा सम्झौता भएको हो । सम्झौतापत्र बुद्धभूमि नेपाल हाईड्रोपावर कम्पनी लिमिटेडको तर्फबाट प्रमुख कार्यकारी अधिकृत शेखरकुमार सुवेदी र क्यापिटलको तर्फबाट प्रमुख कार्यकारी अधिकृत रामेन्द्र रायमाझीले हस्ताक्षर गरे ।
    सम्झौताअनुसार क्यापिटलले बुद्धभूमि नेपाल हाईड्रोपावर कम्पनी लिमिटेडले हकप्रद सेयर निष्काशन प्रक्रिया अगाडि बढाउनका लागि आवश्यक परामर्श सेवा उपलब्ध गराउनेछ । हाल कम्पनीको चुक्ता पुँजी ४० करोड रुपैयाँ रहेको छ । कम्पनीले कति प्रतिशत हकप्रद सेयर जारी गर्ने भनेर खुलाएको छैन ।