 |
| नुवाकोटमा काँग्रेसको चियापान |
विदुर । नेपाली काँग्रेस नुवाकोटले बडा दशैं, दिपावली, नेपाल सम्वत तथा छठ पर्वका अवसरमा शनिवार बिहान चियापान कार्यक्रमको आयोजना गरेको छ ।
नेपाली कांग्रेस पार्टी कार्यालय विदुरस्थित पार्टी कार्यालयमा आयोजित चियापान कार्यक्रममा बागमती प्रदेशका आन्तरिक मामिला तथा योजना मन्त्री बहादुरसिंह लामा तामाङ, नेकपा माओवादीका नेता तथा प्रतिनिधिसभा क्षेत्र नं. १ का सांसद हितबहादुर तामाङ, नेकपा एमालेका अध्यक्ष बद्री मैनाली, माओवादीका नेता हिरानाथ खतिवडा, जिल्ला समन्वय समितिका प्रमुख रजिन्द्रबिक्रमसिंह ठकुरीको उपस्थिति थियो ।
विगतमा पार्टीका नेता कार्यकर्ताहरूलाई जम्मा गरेर आयोजना गर्दै आएको काँग्रेसले यस पटक भने अन्य दलका नेताहरूलाई समेत निमन्त्रण गरेर राजनीतिकदलभित्रको आपसी एकता र सहकार्यको यात्रा सुरु गरेको छ । पुराना दलहरूप्रति आम जनताको विश्वास हराउँदे गरहेका बेला चियापान कार्यक्रममा सहभागि नेता तथा कार्यकर्ताल लोकतन्त्रलाई संस्थागत रुपमा विकास गर्नका लागि राजनीतिक दलहरूबीच आपसी एकता र सहकार्य हुनुपर्नेमा जोड दिए । हितबहादुर तमाङले काँग्रेसले दलहरूबीच एकताको खाँचो महसुस गरेर कार्यक्रम आयोजना गरेकोमा धन्यवाद दिए ।
काँग्रेस बागमती प्रदेशका संसदीय दलका नेता तथा आन्तरिक मामिला तथा योजनामन्त्री बहादुरसिंह लामा तामाङले नेपालीहरूमो महत्वपूर्ण चाडको रुपमा रहेको बडा दशैंका अवसरमा शुभकामना सासाट गर्ने अवसर प्रदान गरेकोमा जिल्ला कार्यसमितिलाई धन्यवाद दिँदै आसपी एकता र भाइचाराबाट नै मुलुकलाई बलियो बाउन सकिने धारणा राखे । नेकपा एमाले नुवाकोटका अध्यक्ष बद्री मैनालीले लोकतन्त्रलाई बलियो बनाउन दलहरूबीच आपसी एकता र सहकार्य आवश्यक रहेकोमा जोड दिए ।
काँग्रेस जिल्ला सभपाति रमेश महतको सभापतितवमा भएको कार्यक्रममा अतिथिहरूलाई सभापति महत उपसभापतिद्धय सन्तबहादुर तामाङ र राजु थापा, सचिव श्रीराम श्रेष्ठ, बैकुण्ठ मिश्र लगायतका पदाधिकारीले अतिथिहरूलाई स्वागत गरेका थिए ।
No comments:
Post a Comment